Anime Diary

アニメ日記

2009-01-27 -- 難為解簽佬

是日己丑年大年初二, 據蘋果日報:

鄉 議 局 主 席 劉 皇 發 和 多 名 新 界 鄉 紳 ， 今 晨 便 前 往 車 公 廟 ， 在 廟 內 為 本 港 新 一 年 運 程 求 籤 。 不 過 ， 劉 皇 發 卻 求 得 下 籤 。

籤 文 全 文 是 「 君 不 須 防 人 不 肖 、 眼 前 鬼 卒 皆 為 妖 、 秦 王 徒 把 長 城 築 、 禍 去 禍 來 因 自 招 。 」

恵聽到簽文第二句已經笑到停唔到口...

君者, 秦王者, 仲有乜水丫? 人者, 人民也; 第一句擺明就係話呀乜水唔使驚, 這裡的人民唔係不肖的, 是出色的人民, 是忠心的人民 (雖然恵不是 XP ) ;

眼前鬼卒者, 乜水的眼前有何許 "人" ? 人就真係冇喇; 乜水眼前, 有乜水班政務官老死; 大商賈; 保皇黨... 果然眼前盡鬼卒, 全皆為妖孽;

秦王徒把長城築: 秦王者, 乜水也; 起長城防的是外敵, 但那是徒然, 因為問題是出於內部 -- 還記得早幾日乜水去元朗, 用警察築起 (好唔血肉的, 全副裝備的)  "血肉長城" 擋著請願者嗎?

禍來禍去皆自招: 擺明就係乜水自己招來災禍啦~~~ 難委這地方的諸位. 有如毓民那句 "因為班仆街做埋晒D 仆街野搞到我地仆街" ...

繼續是蘋果日報:

發 展 局 長 林 鄭 月 娥 直 言 ， 毋 須 太 過 重 視 籤 文 的 說 法 ， 因 籤 文 只 是 有 提 醒 作 用 ， 要 克 服 經 濟 難 關 ， 就 要 靠 市 民 、 政 府 和 企 業 一 條 心 進 行 。

做大官的當然叫大家唔好理簽文啦 -- 都咁坦白話俾人知, 妖孽在那裡, 作為乜水眼前其中一個政務官老死, 梗係想大家唔好理啦~~~

也是蘋果日報:

車 公 廟 每 個 竹 筒 有 96 支 靈 籤 ， 35 支 為 上 籤 ， 44 支 為 中 籤 ， 17支 為 下 籤 。 新 界 鄉 議 局 主 席 劉 皇 發 ， 今 日 在 車 公 廟 ， 卻 為 香 港 求 得 一 支 下 籤 ， 機 會 率 為 17.7% 。

多謝發叔, 為這地方完成這高難度動作~~~

還是最初那份蘋果日報:

解 籤 師 傅 指 ， 籤 文 喻 意 香 港 將 會 受 外 來 因 素 影 響 ， 但 香 港 地 傑 人 靈 ， 只 要 審 慎 樂 觀 面 對 ， 大 家 團 結 和 氣 ， 下 半 年 應 有 好 轉 。

真係難為呢位簽佬, 條簽都講到咁白, 正所謂 "畫公仔畫出腸" , 雖然 "畫公仔畫出腸" 真係唔好睇, 為了唔得罪大官, 但又要解簽, 這無權無財無勢的小小解簽佬唯有硬將家賊作怪說成外憂, 愧對 (出賣? ) 自家專業, 真是難為了這位解簽佬...

恵に連絡しましょうか。

返回アニメ日記主頁。