Anime Diary

アニメ日記

2007-08-29 -- 鑊, 我來爆你去孭

許久許久以前, 恵被教導的是 "邊個搞鑊粥出來, 唔該邊個自己搞番掂佢" , 到今日, 恵都跟著這原則來行。可是到了今日, 恵有受騙的感覺 -- 最少, 這不是發達之路。

實在不知道誰 "發明" 這一句:  "你同我搞番掂佢呀! " , 究竟那是不是像是 "萌"  (もえ) 一樣, 其實原本那人可能只是想打 "燃え"  (もえ) , 只是漢字變換時出錯罷了 -- 人們原本那句是 "你搞隻鑊出來, 你同我搞番掂佢呀! " , 講下講下, 因為後面那半句是重點, 就不見了前面那半句, 結果現在, 一有問題, 所有人都會說 "你同我搞番掂佢呀! " , 卻不記得那問題是自己的出品。

旅巴司機友人, 早前做一個 "短乾虛業" 元朗某新樓盤睇樓穿梭車, 線路由元朗到紅磡, 出車三輛, 卻要半小時一發, 即是話, 個半小時要跑一轉, 四十五分一個單。四十五分一個單可行嗎? 可以, 條件是 "使用最直接路線而不塞車" , 然而, 最直接的路線途經紅隧主要連接路 -- 加士居道天橋。結果當然斷纜斷到 "大纜都扯唔番" 。既然斷纜, 司機當然 "冇得落地" , 然而, 不吃還可以, 人可有三急。於是有一轉友人去到紅磡時, 就唔理三七二十一, 落車上廁去也, 但樓盤方面負責的, 卻大聲高呼:

     "你往那裡去?"

     "去廁所呀! "

     "唔好去著, 開車先啦! "

     "唔好去, 係唔係就地解決呀? 你唔俾我去, 我就就地架喇! "

     "... "

原因 -- 發展商想慳錢, 租不夠車;

問題 -- 車輛不足, 班次維持不了;

解決問題的方法 -- 發展商高呼 "你同我搞番掂佢呀! " , 要司機不吃不上廁去替其解決因其租不夠車而引發出來的問題。

再看看, 香港不正是如此嗎? 張建宗自己解決不了其責任內的問題, 就要求紮鐵工人屈就低薪長工時, 無條件復工。真陰功特首當年解決不了財赤, 就要剝削伙計, 搞個 NCSC 出來, 到今日都不去解決這問題...

恵に連絡しましょうか。

返回アニメ日記主頁。