Anime Diary
アニメ日記
2007-01-13 -- 行政長官真陰功與失業綜援漢
節錄自一月十二日的都市日報:
曾蔭權：堅尼系數未必適用香港
...
但議員質疑曾蔭權解決貧富懸殊的決心, 民主黨單仲偕更指, 堅尼系數在回歸前是0.4,
現在是0.525, 情況嚴重。
議員批貧富懸殊未解決
曾承認, 基層市民未受到經濟復甦帶來的繁榮, 但最有效方法是創造就業, 不能以行政手段來強行提升基層薪金；貧富懸殊更不是單在港發生, 亦不是一朝一夕可解決。他更說：「我好懷疑堅尼系數?
呢個城市體系中, 係咪適合咁樣採用, 特別係香港」。
...
問題一: 既然全世界都用堅尼系數去表示貧富懸殊, 為何僅香港不適用?
問題二: 如果香港不適用, 那應用甚麼?
那真陰功和失業綜援漢的關係是?
現在在香港要領取失業綜援, 就得參加 "自力更生" 計劃, 參加 "自力更生" , 就有機會要參加社區工作做義工, 而參加社區工作沒有 "遲到" , "遲到" 等於 "無到" , 結果就是綜援金會被停發最少十四日。
所以不時可以在卅八個社署社保辦聽到一些失業綜援漢在大炒大鬧: 有冇搞錯? 我遲咗幾分鐘咋嘛, 又扣我十四日錢? 你地唔可以靈活啲架咩? 我只係遲幾分鐘咋嘛! 咁都唔等埋我?
問題一: 既然全車客都可以準時, 為何僅那位綜援漢不能?
問題二: 如果要等, 那等幾耐才合理?
不論是失業綜援漢還是行政長官真陰功, 做事 "不合格" :-
綜援漢就是遲到; 真陰功是不停輸送利益給大財團, 防止市民分享經濟繁榮的果實, 以致貧富懸殊。
都要作為 special case :-
綜援漢就是遲到僅數分鐘, 應該 "等埋" ; 真陰功是這裡是香港, 堅尼系數不適用, 應該用一些反影到香港沒甚麼貧富懸殊的計算方法, 又或者不應該考慮貧富懸殊問題 -- 唔好問, 唔好提, 等於 "冇問題" 。
真陰功做行政長官, 其實和綜援漢在社保辦胡鬧要社署發綜援, 原來依靠的都是蠻不講理。